Avokati Adriatik Lapaj deklaroi sonte një shifër të madhe të grave të vrara brenda familjes. Avokati i ftuar në emisionin Open në Top Channel deklaroi se prej vitit 2010 janë 110 gra të vrara.
“Kjo është një shifër e tmerrshme. Në 10 vitet e fundit keni marrë jetën e 110 nënave. Por dua të theksoj edhe një element tjetër. Është fakti që gratë pasi bëjnë denoncimin vijnë dhe kërkojnë burrat të kthehen në shtëpi.
Ato janë të varura ekonomikisht nga burra. Të kthehen në shtëpi, kush do ushqejë fëmijët, e bëmë sa për ti trembur, ishin fjalët që thoshin pas denoncimin”- tha avokati.
