Tifozeria e zjarrtë e skuadrës së Partizanit, njohur si “Uktras Guerrils” ka vërë një njoftim në të cilin bën me dije se mund të mos e ndjekin derbin nga stadiumi ditën e premte.
Përmes një postimi në faqen zyrtare të mbështetësve në “Facebook” ata janë shprehur se në rast që nuk hiqet kushti i kartave të identitetit për të hyrë në stadiumin “Air Albania” ata nuk do të jenë prezent në stadium.
“”Guerrils” ju fton të gjithëve t’i bashkohen marshimit të madh që do të nisë nga Baza në orën 17:00 për të kurorëzuar dominimin e kuq në çdo front, ashtu siç tradita jonë e do, ashtu siç e kërkon tifozëria e kuqe.
Por!
Njoftojmë zyrtarisht të gjithë anëtarët se “Ultras Guerrils” do të vijojë të respektojë deri në fund veten dhe atë çka përfaqëson, duke mbetur të papërkulur ndaj represionit që sistemi federatë-shtet kërkon të na imponojë!
Ndaj, ju bëjmë me dije se asnjë anëtar yni nuk do të jetë prezent në stadium nëse do të kërkohet hyrja me kartë identiteti!
Ne nuk do të lëkundemi kurrë nga qëndrimet tona!
Dje, sot, përjetë”-shkruhet në postim./Fjala.al/
