David dhe Victoria Beckham janë një nga çiftet më të famshëm të showbiz-it. Ata kanë 20 vite të martuar dhe janë prindër të 4 fëmijëve. Por më pozitive është pjesa që duken çdo ditë e më shumë të dashuruar me njëri- tjetrin.
Por si janë njohur ata me njëri-tjetrin?
I ftuar në “The Tonight Show” me Jimmy Fallon, David tregoi detajet më romantike të takimit të tyre të parë, në vitin 1997.
“Ajo erdhi të më shihte mua në një ndeshje në Londër, me menaxherin e saj dhe një nga vajzat e tjera të ‘Spice Girls’.
Të gjithë kemi pasur të preferuarën tonë tek ai grup dhe sigurisht, Victoria ishte e imja.
Do të kishte diçka që s’shkonte nëse s’do të ishte”, u shpreh Beckham.
Atë ditë nuk shkëmbyen asnjë fjalë, por Victoria nuk mund ta humbiste një shans tjetër për ta parë live.
Javën tjetër ajo shkoi ta shikonte përsëri.
“Ajo piu disa gota dhe unë e vendosa. Thashë pse të mos përpiqem dhe t’i kërkoj numrin?
Biseduam pak dhe pastaj asaj ju desh të merrte trenin. Numrin e shkroi tek bileta e trenit dhe ma dha… E dini, e ruaj ende atë biletë”, ka thënë David.
