Kryeministri Edi Rama nuk e ka kursyer ironinë ndaj presidentit Ilir Meta kur ky i fundit ka thirrur protestën e 2 marsin në bulevardin Dëshmorët e Kombit, kundër mazhorancës.
Duke folur në prezantimin e projektit për rindërtimin e banesave të dëmtuara nga tërmeti, kryeministri Rama theksoi se Ilir Meta ka shtëpi, madje disa të tilla, ndërsa ai ishte aty për ta që jetonin në çadra.
Kreu i qeverisë e ka injoruar tërësisht çështjen me presidentin, duke thënë se është luks i madh që të merret me kreun e shtetit.
“Presidenti e ka shtëpinë. Më shumë se një shtëpi. Unë jam këtu për ata që jetojnë në çadra dhe presin që të futen ën shtëpinë e tyre. Për ata jam unë këtu, jo thjesht në këtë konference, por në të gjitha orët e ditës time me gjithë natën. Jua kam lënë juve çështjen e presidentit. Unë nuk merrem me Presidentin. Është shumë luks i madh për mua të merrem me Presidentin”, u shpreh Rama.
