Derbi i dytë i kryeqytetit, mes Tiranës dhe Partizanit, në stadiumin e ri Kombëtar u mbyll me fitoren e thellë 5-1 për Tiranën.
Pikërisht në stadiumin “Air Alnania” bardheblutë nisën ecurinë e jashtëzakonshme të rezultateve pozitive.
Derbi nisi i “çmendur”, 3 gola brenda 19 minutave, dy penallti dhe një karton i kuq.
Partizani kaloi në avantazh që në minutën e dytë, me anë të një goli mjaft të bukur nga Ëilliam, me një goditje jashtë zonës, por gjithçka u shemb për të kuqtë brenda minutës së 19-të.
Në minutën e 16, Tirana fiton një 11-metërsh dhe Bitri ndëshkohet me kartonin e kuq për Partizanin. Batha kthen në gol penalltinë. Vetëm 3 minuta më pas, bardheblutë fitojnë një tjetër penallti dhe sërish Batha shënon, duke i dhënë avantazhin bardhebluve.
Në pjesën e dytë, Idrizaj shënoi një autogol në portën e Partizanit. Ndërsa minutat e fundit i takuan të gjitha talentit Muçi, i cili realizoi dy gola, duke e vulosur rezultatin në 5-1. Për t’u veçuar ishte goli i dytë, i cili u shënua me goditje dënimi, nga një distancë e largët.
Në fundin e takimit pati edhe një karton të kuq për Torassa-n, për ndërhyrje të rëndë ndaj kundërshtarit.
