Në qytetin e Pejës është përuruar shtatorja e kampiones shqiptare të xhudos, Majlinda Kelmendi. Në vitin 2013 Majlinda qëndron në vendin e parë në renditjen ndërkombëtare të xhudos për kategorinë -52kg.
Ajo ka fituar një sërë çmimesh në xhudo duke filluar me medaljen e arët të Lojërave Olimpike të 2016-ës. Ka fituar dy herë Kampionatin Botëror në vitet 2013 dhe 2014, Lojërat Europiane në 2019-ën, Kampionatin Evropian 2017, 2016, 2014 dhe 2013, Grand Prix Budapest 2014, 2016, Grand Prix Samsun 2013, 2014,Grand Prix Dusseldorf 2013, 2019, Grand Prix Abu Dhabi 2012, Grand Prix Tel Aviv 2019 dhe Grand Prix Tashkent 2018, Grand Slam Paris 2014, 2015, 2016, 2017, Grand Slam Abu Dhabi 2014, Kupën e Botës në 2012 në Stamboll dhe në Romë.
Kampionia e xhudos është cilësuar si nder i qytetit dhe për këtë arsye autoritete vendore kanë vendosur që të ngrenë një shtatore për të./Fjala.al/
