Drejtori i Përgjithshëm i Doganave, Gjon Bardhi, mori pjesë në Takimin Rajonal Informal të 5-të të Nivelit të Lartë të Drejtorëve të Përgjithshëm të Administratave Doganore të Vendeve të Ballkanit Perëndimor, në Ohër. Referuar njoftimit zyrtar, gjatë këtij takimi u diskutua mbi përgatitjen e qasjes së përbashkët të shërbimeve doganore në Rajon për të bërë progres në bashkëpunimin ekonomik në Ballkanin Perëndimor.
Në këtë takim mori pjesë dhe zyrtar i Drejtorisë për Punë Doganore dhe të Ardhurave të Mbretërisë së Bashkuar, Adam Uodrou, përfaqësues nga Organizata Botërore e Dogana dhe AKU.
“Diskutimet në këtë takim u përqëndruan në prioritetet e Nënkomitetit të Ceftas për Doganat dhe rregullat e origjinës, që për vitin 2020 do të drejtohet nga Administrata Doganore e Maqedonisë, ku fokusi kryesor lidhet me zbatimin e strategjisë së përbashkët të riskut dhe njohjes reciproke të AEO-ve. Një vend të veçantë në këtë takim zuri rritja e bashkëpunimit, jo vetëm e autoriteteve doganore, por edhe me agjencitë e tjera që veprojnë në kufi, siç është AKU” njofton Drejtoria e Përgjithshme e Doganave.
Takimi i Ohrit është i pesti i këtij lloji dhe vjen si vazhdimësi e Takimeve Rajonale Informale të Nivelit të Lartë të Drejtorëve të Përgjithshëm të Administratave Doganore të gjashtë vendeve të Ballkanit Perëndimor (ËB6) – që janë organizuar më parë në Shkup, Tiranë, Podgoricë dhe Prishtinë. Takimi i rradhës u vendos të zhvillohet në Tiranë.
