Presidenti turk Rexhep Tajip Erdogan është zotuar të mbajë kufijtë e hapur për refugjatët sirianë të drejtuar për në Evropë pasi 18,000 të parët kaluan kufirin Grek.
” Ne i hapëm dyert.” tha Erdogan në Stamboll pasi 33 trupa turke u vranë në veri të Sirisë të enjten. ‘Ne nuk do t’i mbyllim ato dyer … Pse? Sepse Bashkimi Evropian duhet të mbajë premtimet e tij ‘.
Presidenti turk tha gjithashtu se 18,000 emigrantë janë mbledhur në kufijtë turk me Evropën që nga e premtja, duke shtuar se numri mund të arrijë deri në 30,000 të shtunën, shkruan DailyMail.
Masa e Turqisë për të hapur kufirin e saj, e njoftuar për herë të parë të enjten, u pa nga Greqia si një përpjekje e qëllimshme për të bërë presion ndaj vendeve evropiane. Më shumë se 55 trupa turke janë vrarë që kur Turqia filloi të dërgojë përforcime të mëtejshme në zonat në veri-perëndim të Sirisë nën kontrollin e rebelëve, të cilat mbështeten nga Turqia.
