Paniku nga koronavirusi i ri që ka përfshirë të gjithë botën, ka bërë që njerëzit të zbrazin të gjithë farmacitë nga maskat dhe dezinfektuesit. Në Evropë gjendjen më të rënduar e paraqet Italia, e cila që prej momentit që është prekur deri më sot ka konfirmuar 889 njerëz të infektuar, 21 vdekje dhe 46 persona të shëruar.
Guardia di Finanza e Torinos gjatë një operacioni ka arrestuar 20 persona të cilët duke përfituar nga situate kritike që paraqitet në vend, shisnin në internet maskat mbrojtëse me shifra marramendëse deri ne 5.000 euro.
Përveç çmimit të tepruar ata u siguronin klientëve të tyre mbrojtje totale nga Covid-19. Por në një kohë shumë të shkurtër njerëz të ndryshëm filluan të përfitonin në këtë mënyrë.
Guardia di Finanza e Torinos e drejtuar nga Alessandro Aghemo, në një kohë shumë të shkurtër arritën të lokalizonin dhe të identifikonin këta persona, të cilët rrezikojnë deri në 2 vjet burg./Fjala.al
