Në Itali është marrë vendimi për të shtyre ndeshjet e kësaj fundjave të Serie A. E gjithë vëmendja ishte përqëndruar në përballjen e së dielës, në derbin e Italisë midis Juventusit dhe Interit.
Ndeshja ishte parashikuar të luhej me dyer të mbyllura nga frika e coronavirusit, por vendimi i fundit ka sjellë anulimin e saj.
Drejtuesit e federatës kanë përcaktuar datën 13 maj për përballjen Juve-Inter, por kjo datë duket se po shqetëson tifozët zikaltër. Ndeshja me Juven do të luhet vetëm katër ditë përpara ndeshjes me Napolin, ndërsa një javë më pas do të përballet me Atalantën. Në date 10 maj, Interi do të luajë në transfertë kundër Genoas.
Ky kalendar rrezikon ta vendosë skuadrën e Antonio Contes në një pozicion të vështirë pasi ajo periudhë do të jetë vendimtare për kampionatin.
