Janë tonelata me patate, qepë e mollë që kanë mbetur stok e po kalben në magazinat e fermerëve të Korçës. Ata thonë se ky është ndër vitet më të vështirë për shitje, ndërsa janë të alarmuar se minishengeni Ballkanik do të ngrejë traun e doganës për produktet e vendeve të rajonit që do t`i çojnë në faliment.
Tonelata prodhimi bujqësore dhe mollë kanë mbetur të pa shitura dhe po kalben në magazinat e fermerëve të Qarkut të Korçës. “Kemi gjendje 15 mijë kuintal patate, janë të gjitha magazinat plot dhe nuk ka tërheqje. Situata shumë e vështirë për ne, mjerë bujqit dhe fermerët.”
Shkak sipas tyre është mungesa e tregut dhe konkurrenca sipas tyre e pandershme, ndërsa janë të alarmuar nga ideja e projekti i Minishengenit. Sipas tyre ky akt mund tu hapë dyert produkteve nga vendet e rajonit ku fermerët subvencionohen më shumë nga qeveritë. “Nëse me Minishengenin do të bëhet një tregti e lirë dhe pa dogana, atëherë rrethi i Korçës është i mbaruar. Ne duhet të marrim çantat në kurriz dhe të vemë refugjatë në Serbi!”
Për kultivuesit e patates është ndër vitet më të vështira, ndaj ata kërkojnë reagimin e shtetit pasi thonë se po falimentojnë. “Ata i subvencionin shteti. Kanë mbetur 70 kuintal mollë pa shitur. Kam shkulur 6 dynym”-thonë fermerët të cilët kërkojnë kushte tregu për të jetuar dhe punuar në vendin e tyre.
Sipas të dhënave fermerët thonë se janë duke u përballur me vështirësi të mëdha dhe një situatë e tillë bën që edhe malli të shkoj dëm ose të përfundojë në kanal. n.k/Fjala.al/
