Hyrja në det e dy personave që thuhet se kanë qenë me një varkë druri ka rezultuar fatale, ndërkohë që njëri ka mundur të shpëtojë e tjetri ende jo. Të dhënat e para që vijnë nga Durrësi tregojnë se i mbijetuari është Ilir Bardheti i cilin ka mundur të tregojë emrin e personit me të cilin ka qenë në det.
Ai thotë se ka qenë me Ardian Mërkurin, 52 vjeç, i cili ka qenë në pedalim dhe se nuk di asgjë në lidhje me fatin e tij. Drejt Durrësit janë nisur ekspertë, polumbarë dhe kërkues të specializuar ndërkohë që i mbijetuari është sjellë me urgjencë në drejtim të Tiranës. Ka dyshime se dy burrat kanë gabuar në momentin që kanë ndërhyrë për të mbledhur rrjetat që kishin hedhur për peshkim gjatë natës.
Ata kanë hyrë në det me anë të një varke druri, e cila me sa duket nuk ka qenë në kushtet duhura dhe i ka përmbysur. Ende nuk dihet se çfarë ka ndodhur vërtetë pasi të dy personat mësohet se janë peshkatarë të vjetër, ndërkohë pritet të përmirësohet gjendja shëndetësore e Bardhetit.
Të dhënat flasin se në momentin kur dy peshkatarët kanë hyrë në det ka nisur era dhe ka bërë të mundur edhe përmbysjen e varkës së drurit, që quhet sanalle, që nuk i ka mbajtur dot të dy personat. n.k/Fjala.al/
