Kunati i botuesit i Henri Çilit, Gazmir Ajdinaj ka folur për herë të parë mediat duke dhënë versionin e tij për arrestimin e tij dhe të Çilit në operacionin ‘Mezhgorani’.
Gazmir Ajdinaj është arrestuar me një sasi të vogël lënde plasëse në makinë siç u shpreh, por për ta bërë aksionin edhe më të madh dhe për të prodhuar një show politik arrestuan edhe kunatin e tij, botuesin Henri Çili.
Sipas tij, personat e tjerë ai nuk i njeh, por e gjitha sipas tij është bërë për t’i prishur imazhin Henri Çilit. Ky i fundit u la i lirë nga gjykata e Përmetit mbrëmjen e djeshme.
“Më kapën lëndë plasëse në dorë një sasi të vogël. Unë kam qenë vetëm në makinë. Pas meje kishin kapur 30 veta, 15 kanë ardhur këtu (në paraburgimin e Bënçës), nuk i njoh fare. I futën 30 veta që të bënin shoë, për të prishur imazhin e Henrit. I futi të gjithë bashkë që t’i prishte imazhin Henrit, se janë çështje të ndryshme, nuk kanë lidhje me përgjimet e mia. Unë kam folur me 2-3 veta, këta fusin 30 veta. Del Ard Veliu e bën shoë me emrin e Henrit, del Erjon Braçe e bën shoë, për këto muhabete duhet të jetë bërë politike gjëja. Prokurori është xholi i parë, se ç’a ka mbrapa një zot e di”, thotë Ajdini.
