Ilir Meta ka preferuar që në tribunën e ngritur për manifestimin, që do të nisë pas pak, të vendosë foltoren e Presidencës. Siç shihet edhe në fotot e realizuara nga Fjala.al, është pikërisht kjo foltore nga ku Meta do t’u drejtohet qytetarëve.
Në krah të foltores është vendosur një tavolinë mbi të cilën qëndron Kushtetuta e vendit. Meta ka paralajmëruar edhe firmosjen e një dekreti, por pa dhënë më shumë detaje.
Presidenti Meta akuzon mazhorancën e drejtuar nga kryeministri Edi Rama se po realizon një “grusht shteti” duke tentuar të kapë Gjykatën Kushtetuese.
