Ministri i Brendshëm i Turqisë, Suleyman Soylu, njoftoi se nëpërmjet qytetit Edirne ka arritur në 36.776 numri i emigrantëve që janë larguar nga Turqia.
“Që nga ora 21:02 nëpërmjet qytetit Edirne nga vendi jonë janë larguar 36.776 emigrantë”, ka thënë Soylu.
Ndërkohë, Presidenti turk Rexhep Tajip Erdogan thekson se vendi i tij nuk është në gjendje të menaxhojë turmat e mëdha të refugjatëve, prandaj dhe mori vendimin për të hapur kufijtë.
Nga ana tjetër, emigrantët e parregullt vazhdojnë kalimet e tyre në kufirin e Greqisë me qëllimin për të kaluar në Evropë.
Forcat greke të sigurisë kanë formuar barrikadë me tela me gjemba para pikës kufitare Kastanies ndërsa pas barrikadës kanë grumbulluar një numër të madh të forcave policore.
Ndaj emigrantëve të parregullt që presin para barrikadës, forcat e sigurisë shpeshherë përdorin ujin me presion si dhe herë- herë gaz lotsjellës dhe bomba zhurmuese. Gjatë këtyre ndërhyrjeve disa emigrantë janë plagosur pasi janë goditur nga kapsulat.
