Policia e Shtetit vuri në pranga shtetasin H.Sh., 45 vjeç, banues në Tiranë. I arrestuari është shkaktari kryesor i aksidentit të rëndë në aksin rrugor Tiranë-Fushë Krujë.
Shoferi që po drejtonte mjetin tip “Benz” është përplasur me mjetin tip “Volkswagen” e më pas është përplasur me një autobus.
Për shkak të përplasjes ka ndërruar jetë në vend drejtuesi i mjetit “Volkswagen” shtetasi F.Xh., 59 vjeç, ndërsa janë plagosur 8 persona të tjerë, pasagjerë në mjetin tip “Volkswagen” dhe autobus. Të plagosurit ndodhen në spital jashtë rrezikut për jetën. Ndërkohë, në Durrës janë arrestuar dy drejtues mjetesh, A.Ç 28 vjeç dhe Z.M., 56 vjeç.
Të dy banues në qytetin bregdetar. Këta shetas janë arrestuar pasi janë konstatuar nga Policia se drejtonin mjetin në gjendje të dehur. Materialet i kaluan Prokurorisë së Rrethit Gjyqësor Durrës për veprat penale “Shkelja e rregullave të qarkullimit rrugor” dhe Drejtimi automjetit në mënyrë të pa rregullt”.
