Kryeministri i Ukrainës Alexiy Honcharuk ka paraqitur dorëheqjen e tij të martën dhe do të largohet nga detyra ditën e nesërme, pasi Parlamenti ta miratojë dorëheqjen e tij me një votim.
Ai do të zëvendësohet nga Denys Shmygal, i cili u emërua zv-kryeministër muajin e kaluar. Më parë ai kishte mbajtur postin si kryetar i administratës rajonale të Ivano-Frankivsk.
Kryeministri Honcharuk nuk ka dhënë arsyet e dorëheqjes së tij, por kjo nuk është hera e parë që ai e paraqet atë.
Ai e paraqiti dorëheqjen e tij në muajin janar, pasi i’u publikua një video regjistrim ku ai tha se Presidenti Ukrainës, Volodimir Zelenski, nuk dinte asgjë rreth ekonomisë. Presidenti e quajti ngjarjen ‘të pakëndshme’, por i kërkoi Kryeministrit të qëndrojë në detyrë./Fjala.al
