Ish-kryeprokurori Adriatik Llalla ka përfunduar në SPAK. Ai akuzohet për mosdeklarim të parave në kufi gjatë kohës kur udhëtoi drejt Gjermanisë, vend në të cilin ndodhet edhe sot.
Llalla e ka mohuar akuzën e ngritur nga prokuroria e posaçme duke thënë se këtë shumë e ka përdorur për shkollimin e vajzës së tij.
Megjithatë, dosja e ish-kryeprokurorit tashmë ka kaluar në duart e SPAK dhe pritet të shqyrtohet më tej për akuzat që rëndojnë mbi ish-kryeprokurorin e Shqipërisë.
Për çështjen “Llalla” ka kthyer përgjigje edhe DASH që e shpalli non grata duke i ndaluar hyrjen në SHBA. Por të dhënat e ardhura nga USA nuk bëhen të ditura.
Adriatik Llalla po hetohet nga SPAK për shkak të funksionit që ka mbajtur si Prokuror i Përgjithshëm.
