Kryeministri i Kosovës, Albin Kurti i ka dërguar një letër presidentit të Kosovës, Hashim Thaçi, përmes së cilës ka kërkuar një takim gjatë ditës së sotme.
Në letrën e tij drejtuar presidentit të vendit, Kurti kërkon që të bashkërendojnë veprimet për politikën e jashtme.
Kryeministri shton më tej se prezantimi i Republikës duhet të jetë i njëzëshëm dhe se dallimet duhet të mbeten brenda vendit.
“Përfaqësimi i Kosovës do të jetë sa më i denjë në arenën ndërkombëtare dhe këtë mund të arrijmë duke qenë të harmonizuar në qëndrimet tona të cilat përveç suksesit do të garantonin edhe zhvillimin ekonomik e siguri shtetërore kombëtare”, thuhet në letrën e Kurtit.
Kreu i ekzekutivit të vendit i ka vënë në dispozicion presidentit Thaçi tri orare për takim, atë në orën 09:00, në orën 13:00 si dhe në orën 18:00
