Pas përhapjes në masë të koronavirusit, një dekret i ri qeveritar ka vendosur që të gjitha ngjarjet sportive në Itali të zhvillohen me dyer të mbyllura deri më 3 prill.
Te ky vendim përfshihen të gjitha zonat në Itali, madje edhe ato të vendeve që ende nuk janë prekur nga ky virus.
Ky vendim është marrë pas konfirmimit të viktimës së 107 si dhe 3089 të prekur nga virusi i rrezikshëm.
Dekreti u bën klubeve me dije se janë përgjegjës për të bërë kontrolle të rregullta dhe për tu siguruar që asnjë prej atletëve ose stafit të tyre nuk kanë koronavirus.
Seria A do të rifillojë aty ku ka mbetur, kështu që do të zhvillohen gjashtë ndeshjet e shtyra nga java e 26-ë, që do të luhen në vend të ndeshjeve të xhiros së 27.
Kjo nënkupton se Juventus-Inter, Milan-Genova dhe të gjitha takimet e tjera do të zhvillohen këtë fundjavë, duke i zhvendosur ndeshjet e javës së 27 javën tjetër.
Ndërsa për takimet gjysmëfinale të Kupës së Italisë, Juventus-Milan dhe Napoli-Inter të vendohet këtë mbrëmje raporton “La Gazzetta dello sport”./Fjala.al/
