Përfaqësuesi i lartë i Bashkimit Evropian për Politikën e Jashtme, Josep Borrell , njoftoi të mërkurën se Bashkimi Evropian do të akordojë 170 milion euro ndihma humanitare për Sirinë , 60 prej tyre adresuar “krizës humanitare” në veriperëndim të Sirisë, ku milicitë, xhihadistët e mbështetur nga Ankaraja paraqesin rezistencën e fundit ndaj regjimit Bachar Al-Asad, të mbështetur nga Rusia.
Në mesazhin e tij në rrjetin social, ai theksoi se Turqia duhet të bashkëpunojë për t’u përballur me “sfidat e përbashkëta dhe gjetjen e zgjidhjeve“.
Meeting with Minister of Defence @tcsavunma. Humanitarian situation in #Idlib is of extreme gravity. Need to promote deescalation and have an in-depth discussion with Turkey on security and defence challenges. pic.twitter.com/5A0bKZA0th
— Josep Borrell Fontelles (@JosepBorrellF) March 3, 2020
“Ne kemi një interes të përbashkët për t’i dhënë fund konfliktit në Siri. Vetëm në këtë mënyrë ne do të jemi në gjendje t’i japim fund vuajtjeve të popullatës civile dhe të kontribuojmë në adresimin e sfidave më të rëndësishme me të cilat përballet Turqia aktualisht, “shtoi kreu i diplomacisë.
Pas takimeve në Ankara, Borrell ka kritikuar vendimin e Turqisë për të lejuar mijëra refugjatë të lëvizin drejt kufirit Grek.
“Veprimet e njëanshme të Turqisë janë një pengesë për zhvillimin e marrëdhënieve të besimit, të cilat janë më të domosdoshme sot se kurrë. Ju nuk mund të rrezikoni jetën e njerëzve, “tha Borrell në një mesazh në Twitter, pas takimit në Ankara, me Ministrin e Jashtëm turk Mevlüt Çavusoglu.
Borrell, i cili gjithashtu u takua me Presidentin turk Rexhep Tajip Erdogan , dhe me disa zyrtarë të tjerë të lartë, nuk folën para mediave.
Met w Foreign Minister @MevlutCavusoglu. The EU & Turkey have to work together to face common challenges and find solutions. Unilateral actions by Turkey are an obstacle to developing relations of trust, which are needed today more than ever. Lives of people cannot be put at risk pic.twitter.com/xhGIrMPF0B
— Josep Borrell Fontelles (@JosepBorrellF) March 4, 2020
Si Borrell dhe presidenti i Këshillit Evropian, Charles Michel , sot patën disa takime me kupolën e shtetit turk për të analizuar si luftën civile në Siri, ashtu edhe krizën e gjeneruar në kufirin midis Turqisë dhe Greqisë, ku mijëra njerëz presin të hyjnë BE pasi Turqia njoftoi se nuk do të pengojë kalimin./Fjala.al
