Koronavirusi është duke u përhapur me shpejtësi dhe në mënyrë të tmerrshme. Një video-grafikë tregon sesi po shpërndahet koronavirusi duke infektuar deri më tani më shumë se 97 mijë persona. Ndërsa kanë ndërruar jetën 3 mijë të tjerë.
Sipas grafikës koronavirusi është përhapur në më shumë se 80 vende të botës. Ky virus vdekjeprurës ka vendosur në alarm botën dhe Organizatën Botërore të Shëndetësisë, kur shpërtheu fillimisht në Ëuhan të Kinës. Ndërsa aktualisht pothuajse ka pushtuar botën. Një nga vendet evropiane më të prekura mbetet Italia, ndërsa në vendin tonë deri më tani nuk është konfirmuar asnjë rast.
Për realizimin e video-grafikës janë marrë të dhënat edhe nga Qendra për Kontrollin dhe Parandalimin e Sëmundjeve, Qendra Evropiane për Sëmundje dhe Parandalim dhe Komisioni kinez për Shëndetësi.
