Një 29-vjeçar është gjetur i mbytur në breg të rezervuarit “Pengile” në lagjen nr.4, të Krujës.
I riu, me iniciale G.L. i cili vuante nga probleme të shëndetit mendor kishte humbur kontaktet me familjarët e tij. Këta të fundit kishin bërë denoncimin në komisariatin e Vorës dhe ishin vendosur në kërkim të tij, ndërsa i riu është gjetur i pajetë ditën e sotme.
Sipas policisë, nga këqyrja e trupit nuk janë konstatuar shenja dhune, ndërkohë që grupi hetimor ndodhet në vendngjarje dhe po punon për zbardhjen e plotë të saj.
