Polica e Tiranës ka arrestuar në flagrancë shoferin që shkaktoi vdekjen e një pasagjeri në Laprakë.
Në prangat e policisë ka rënë shtetasi me iniciale A.Ç., 30 vjeç. Ai ka përplasur mbrëmjen e djeshme rreth orës 23:50, në rrugën “Dritan Hoxha”, një mjet tjetër me drejtues shtetasin A.S.
Policia bën me dije se 30-vjeçari ka qenë duke drejtuar në gjendje të dehur mjetin e tij kur është përplasur.
Si pasojë e përplasjes ka ndërruar jetë shtetasi F.A., pasagjer në mjetin me drejtues shtetasin A.Ç.
Po ashtu, ky shtetas gjatë marrjes në pyetje ka dhënë deklarim të rremë përpara oficerit të policisë gjyqësore duke thënë se drejtues mjeti ka qenë shtetasi F.A.
