Presidenti Ilir Meta ka komentuar raportin e Komisionit të Venecias i cili i ka dhënë të drejtë kreut të shtetit në denoncimet e tij mbi kapjen e Gjykatës Kushtetuese nga qeveria.
Para se të merrte pjesë në një ndeshje të Vllaznisë në basketboll në qytetin e Shkodrës, Meta ka folur për mediat duke theksuar se Venecia na tregoi se askush në Shqipëri nuk duhet të dalë mbi Kushtetutën edhe mbi ligjin.
“Mendoj se kjo është një çështje e Venecias, duke qenë se vetë Venecia ka shkruar Kushtetutën tonë. Kjo mbetet që prej 115 ditësh një çështje e drejtësisë, e hetimit që të bëjë veprimet e duhura që askush në Shqipëri të mos dalë mbi Kushtetutën edhe mbi ligjin”, u shpreh Meta.
A është kjo një sinjal pozitiv në kauzën tuaj?
Nuk e komentoj për arsye sepse ky dokument ka pasur një konfidencialitet. Por unë ua kam thënë që më parë që Kushtetutën tonë sidomos për Gjykatën Kushtetuese e ka shkruar vetë Venecia.
A ka pasur përgjatë këtyre ditëve reflektim nga ana e mazhorancës liudhur me ultimatumin që i vendosët qeverisë deri më 15, ndryshe do të shpërndani parlamentin?
Këtu kemi ardhur për të parë një spektakël të jashtëzakonshëm dhe gëzohem që Vllaznia vazhdon të shkëlqejë në lojërat me dorë.
