Sonte në mbrëmje në orën 20:45 do të luhet derbi i shumëdiskutuar midis skuadrës së Juventusit dhe asaj të Interit.
“Zonja e Vjetër” do të jetë pritëse në “Allianz Stadium” në këtë takim që është i vlefshëm për javën e 26-ë të Serisë A dhe shumë i rëndësishëm për të dy ekipet që ndodhen në diferencën e 6-pikëve, me Juven në vend të dytë dhe zikaltërit në vend të tretë.
Kjo ndeshje ishte planifikuar që të zhvillohej përpara disa ditësh, mirëpo kaosi që u shkaktua nga koronavirusi çoi në shtyrjen e saj.
Maurizio Sarri për këtë takim nuk do të ketë Merih Demiral që është i lënduar që disa javë.
Ndërsa, Antonio Conte do të jetë pa emra si Victor Moses, Stefano Sensi dhe Roberto Gagliardini, që po ashtu janë të lënduar.
Formacioni i Juventusit: Szczesny; Cuadrado, De Ligt, Bonuçi, Alex Sandro; Ramsey, Bentancur, Matuidi; Douglas Costa, Higuain, Cristiano Ronaldo.
Formacioni i Interit:Handanovic, Skriniar, De Vrij, Bastoni, Candreva, Vecino, Brozovic, Barella, Young, Lukaku, Lautaro./Fjala.al/
