Kryeministri Giuseppe Conte nënshkroi një dekret i cili vendos kufizime të reja në lëvizjen e njerëzve deri më 3 prill, për shkak të emergjencës së Coronavirusit, në Lombardi dhe në disa krahina të Venetos, Emilia Romagna dhe Piemonte. Hyrja dhe dalja nga këto territore lejohet vetëm për arsye serioze .
Shkollat, palestrat dhe muzetë të mbyllura
Masa parashikojnë një “zonë sigurie” ku ka kufizime shumë të rrepta. Në veçanti: mbyllja e shkollave e të gjitha niveleve, pezullimi i aktiviteteve të skijimit dhe ngjarjeve publike. Gjithashtu të mbyllura do të jenë edhe muzetë, palestrat, pishinat, teatrot, qendrat sociale dhe kulturore.
Rregullat për baret dhe restorantet
Baret dhe restorantet do të jenë të hapura vetëm nga ora 06:00 deri në 18:00, dhe do të duhet të ruajnë detyrimin e distancës prej një metër përndryshe aktiviteti do të pezullohet.
Në dekret shkruhet se “shmangni absolutisht çdo lëvizje brenda territoreve përveç lëvizjeve të nevojshme të punës ose situatave emergjente”. Ata që përjetojnë një “simptomatologji të infeksionit të frymëmarrjes dhe temperaturë më të madhe se 37.5 ° C”, këshillohen të qëndrojnë në shtëpi dhe të kontaktojnë mjekun e tyre, duke kufizuar menjëherë të gjitha kontaktet me njerëz të tjerë.
Dekreti gjithashtu thekson që aktivitetet tregtare duhet të respektojnë distancën prej një metri për klientët përndryshe biznesi do të mbyllet.
Sport
Sa i përket sportit, ngjarjeve sportive dhe garat e të gjitha llojeve dhe disiplinave do të “pezullohen”, “në vende publike apo private”. Dekreti gjithashtu thotë, se “ngjarjet dhe garat e lartpërmendura, si dhe seancat stërvitore të sportistëve, lejohen brenda ambienteve sportive me dyer të mbyllura”.
Ndalime në të gjithë Italinë: baret dhe diskot
Të gjitha takimet dhe shfaqjet janë pezulluar, nga kinematë në muze deri në aktivitete sportive; pijet, diskotekat, sallat e bingove, dhomat e lojërave; mësime në shkolla dhe universitete. Dyqanet do të qëndrojnë të hapura gjatë ditëve të javës; bare dhe restorante vetëm nëse ofrojnë shërbim në tryezë dhe garantojnë distancën “e sigurisë” prej një metri midis njerëzve./Fjala.al
