Njeriu më i vjetër në botë sot pranoi se është shumë i shqetësuar për koronavirusin, por ai theksoi se ky virus nuk është më i keq sa gripi spanjoll në vitin 1918.
Bob Weighton, 111 vjeç, nga Alton, Hants, tha se ai ka jetuar ‘mjaft kohë’ por është më shumë i shqetësuar për të afërmit e tij që mund të marrin Covid-19. Z. Weighton është kujdesur më shumë për pastërtinë dhe higjenën që nga shpërthimi i koronavirusit vdekjeprurës.
Z. Weighton, i cili jeton në një banesë në Alton, lindi në 29 Mars në 1908 dhe ka përjetuar shpërthimin e gripit spanjoll, Luftërat Botërore, ngritjen dhe rënien e Bashkimit Sovjetik.
Ai tha: “Jam shumë i shqetësuar për koronavirusin – të gjithë duhet të jenë.
Z. Weighton ka jetuar gjatë mbretërimit të pesë monarkëve dhe ka parë 26 kryeministra të vijnë në pushtet.
Ai e kishte ndarë titullin e burrit më të vjetër të Britanisë me Alf Smithin, nga Perthshire, pasi të dy ata kishin lindur në të njëjtën ditë, por Z. Smith vdiq vitin e kaluar.
Kështu Z. Weighton u bë njeriu më i vjetër në botë dy javë më parë pas vdekjes së Chitetsu WWatanabe, burrit nga Japonia, në moshën 112 vjeçare./Fjala.al/Burimi:Mirror
