Kreu i opozitës Lulzim Basha ka sulmuar sërish kryeministrin Edi Rama duke i kërkuar që të japë llogari për 1.2 milionë maskat e skaduara që janë hedhur në treg.
Kryedemokrati i kërkon kreut të qeverisë që t’i lërë justifikimet e dështimet dhe të marrë masa reale kundër koronavirusit.
Sipas Bashës, gënjeshtrat dhe sulmet kundër opozitës nuk i shërbejnë as sigurisë dhe as jetës së shqiptarëve.
“Boll me justifikime që fshehin dështimin, boll me gënjeshtra që fshehin paaftësinë, bëj detyrën dhe merr masa reale kundër epidemisë, për hir të gjithë shqiptarëve. Duhet të japë llogari pse ka shpërndarë 1.2 milionë maska të skaduara? Gënjeshtrat dhe sulmet kundër opozitës nuk i shërbejnë as sigurisë dhe as jetës së shqiptarëve! Janë mijëra burra, gra dhe fëmijë që duhen mbrojtur”, shkruan Basha në Twitter.
Boll me justifikime që fshehin dështimin, boll me gënjeshtra që fshehin paaftësinë, bëj detyrën dhe merr masa reale kundër epidemisë, për hir të gjithë shqiptarëve.
— Lulzim Basha (@lulzimbasha_al) March 10, 2020
Ndërkaq, po ditën e sotme ambasada amerikane u kërkoi liderëve shqiptarë që të tregohen të përgjegjshëm dhe të lënë mënjanë retorikën politike. Por, mesa duket politikanët shqiptarë nuk heqin dorë nga zakoni i tyre i përditshëm.
Koronavirusi/ SHBA: Rama, Meta dhe Basha të tregohen të përgjegjshëm
