Sonte në mbrëmje do të zhvillohen dy ndeshje të Champions League, për takimet e kthimit të fazës së 1/8-ave ose njohur ndryshe si raundi i 16-ë i këtij kampionati.
Skuadra e Red Bull Leipzig do të presë ekipin e Tottenham në orën 21:00 në stadiumin “Red Bull Arena”. Takimi i parë i këtyre dy skuadrave u mbyll me fitoren e gjermanëve me rezultatin 1-0, duke u bërë kështu më favoritë drejt fazës tjetër të Championsit. Ishte Timo Ëerner ai që arriti të shënonte golin e fitores për ekipin e tij, me anë të një penalltie në minutën e 58-ë të lojës.
Ky rezultat ishte zhgënjyes për skuadrën e trajnerit Jose Mourinho, i cili duket se do që të rikthejë triumfin me çdo kusht. “Suprs-ave” i duhen minimumi dy gola për t’u kualifikuar në fazat tjetër, ndërsa për RB Leipzig mjafton edhe një barazim.
Skuadra e trajnerit Julian Nagelsmann këtë sezon ka pasur një ecuri shumë të mirë në Bundesligë, kampionati më i madh i futbollit gjerman, duke u renditur në vend të tre pas Bayern Munchin dhe Dortmund-it të vendit të dytë. Ndërsa skuadra e Mourinhos nga ana tjetër s’mund të thuhet që ndodhet në momentet e saj më të mira. Tottenham renditet e 8-a në Premier League, kampionati anglez, me 41 pike ose sa gjysma e pikëve të vendit të parë që mbahet nga Liverpool.
Ndeshja e dytë që do të zhvillohet po në këtë orar mbrëmjen e sotme është ajo midis Valencia dhe Atalantës. Ky takim do të mbahet me dyer të mbyllura për shkak të përhapjes në masë të madhe të koronavirusit në Itali dhe shënimit të një numri të lartë viktimash në këtë vend.
Ky takim do të zhvillohet në stadiumin “Camp de Mestalla, Valencia” dhe për vendasit kthimi i rezultatit duket se do të jetë shumë i vështirë, pasi takimi i për u mbyll me shifrat 4-1 për Atalantën. Valencia duhet të provojë çdo mundësi që të marrë një fitore me minimumin e rezultatit 4-0, pasi shifra të tjera nën këtë do e nxirrnin të humbur. Ndërsa për ekipin e Atalantës mjafton një barazim, por edhe një humbje me rezultat nën 4 gola nga kundërshtarët nuk do i prishte punë për t’u kualifikuar për më tej.
Skuadra e trajnerit Albert Celades ndodhet në vend 7-ë të La Ligës me 42 pikë dhe një diferencë prej 16 pikësh nga vendi i parë që momentalisht mbahet nga ekipi i Barcelonës.
Ndërsa Atalanta nga ana tjetër ka pasur një sezon shumë të mirë në Serinë A. Italianët renditen të 4-it në kampionatin më të madh të futbollit vendas dhe deri më tani ndodhen në kuotën e 48 pikëve ose 15 pikë larg vendit të parë që mbahet nga Juventus.
Të gjitha mundësitë për fitore duket se janë në krah të italianëve megjithatë surprizat janë gjëja më e zakonshme në Champions League.
Ndërsa nesër në të njëjtën orë do të zhvillohen dy ndeshje të tjera shumë të rëndësishme ajo midis PSG-Dortmund dhe Liverpool-Atletico Madrid, ku fitues të çiftit të parë ishin gjermanët me rezultatin 2-1, ndërsa ndeshja tjetër u fitua nga spanjollët 1-0.
/Nga Katerina Tafa/ Gazeta Fjala/
