Disa turistë kanë vendosur të vizitojnë Koloseun e Romës duke sfiduar edhe masat e marra nga qeveria italiane për të shmangur grumbullimet e njerëzve për shkak të koronavirusit, që deri më tani ka shkaktuar 631 viktima në Itali.
Nga pamjet që një prej turistëve ka hedhur në rrjetet sociale, tregohet se si zonat përreth dhe kafenetë janë ende të populluara me njerëz, me gjithë udhëzimet e qeverisë për t’u mbrojtur nga koronavirusi.
Sipas komisarit të emergjencës Angelo Borreli, janë 8514 persona të sëmurë me koronavirus në Itali, 529 më shumë nga e hëna, ndërsa numri total i të infektuarve, përfshirë viktimat dhe të shëruarit është 10149. Të dhënat u publikuan në konferencën për shtyp të Mbrojtjes Civile.
Turistja e cila publikoi videon Natasha Pearson nga Anglia befasoi burrin e saj në udhëtimin drejt Romës për ditëlindjen e tij të 40-të, por tani të dyve iu duhet të përballen me faktin se ata mund të bllokohen në Itali pasi British Airways anuloi fluturimet ajrore.
