Ministrja e Shëndetësisë, Ogerta Manastirliu ka folur në një deklaratë rreth situatës në vend dhe ka shpjeguar masat e mëtejshme që do të ndërmerren në një situatë ku qytetarët nuk duken mjaftueshëm të ndërgjegjësuar. Manastirliu bëri me dije se do të mbyllen të gjitha baret dhe restorantet. Do të ketë gjobë 20 milionë lekë të vjetra për të gjitha bizneset që nuk zbatojnë vendimin për mbylljen.
“Do të vendoset një distancë prej 1.5 metrash për sigurinë e punonjësve në bizneset që nuk do të mbyllen. Do të reduktohet personeli i call center-ave dhe do të vendosen kushte mbrojtjeje duke mbajtur një distancë të caktuar mes individëve që punojnë aty. Së fundmi, komunikimi për të informuar qytetarët do të jetë në formë virtuale për të shmangur çdo risk potencial”, ka përfunduar Manastirliu.
