Policia Ushtarake do të dalë në rrugë. Vendimi është bërë i ditur nga kryeministri Edi Rama, i cili theksoi se në bashkëpunim me Policinë e Shtetit, Policia Ushtarake do të ngrejë postblloqe për të ushtruar kontrolle në rrugë.
Do të kontrollohen makinat për të konfirmuar nëse shoferët ose pasagjerët janë kthyer 14 ditët e fundit nga Italia, Greqia apo vatrat e tjera të koronavirusit. Ata që janë kthyer dy javët e fundit dhe nuk janë vetëkarantinuar do të gjobiten me 5 mijë euro gjobë.
“Ata do të ndalohen të kthehen në Itali pasi të këtë përfunduar epidemia nëse nuk kanë paguar 5 mijë euroshin”, tha Rama.
Rama tha se situata është e tillë sa nevojiten masa të ashpra, për t’u mos përsëritur e njëjta gjëndje si në Itali.
Pak minuta më parë u shënua në Shqipëri viktima e parë nga koronavirusi. Viktima është një e moshuar 73 vjeçare, e cila vuante edhe nga sëmundje të tjera.
