Shtet e Europes lindore vendosën rregulla shumë të rrepta dhe për pasojë kanë shumë pak të infektuar nga koronavirusi. Europa Lindore duket se po fiton betejën e saj kundër Koronavirusit gjithashtu falë një disipline të hekurt që duket se i ka rrënjët në të kaluarën e saj nën zgjedhën sovjetike.
Rumania nuk ka hezituar të dënojë rreth njëzet vetë për shkeljen e karantinës.
Sllovakia krenohet me vetëm gjashtëmbëdhjetë infeksione dhe ka ndaluar hyrjen në vend të të huajve dhe gjobë deri 1600 euro për gjithë shkelësit e ligjit të emergjencës nga koronavirusi.
Me mbylljen e shkollave të të gjitha niveleve deri në fund të marsit, Bratislava ka mbyllur edhe tre aeroportet ndërkombëtare të vendit.
Me gati rreth pesëdhjetë infeksione, Polonia ka mbyllur, përveç shkollave, gjithashtu kinematë, bibliotekat dhe teatrot.
