Një nga temat e trajtuara mbrëmjen e kësaj të premte në emisionin Java në RTSH nga Lorenc Vangjeli dhe Prenç Zogaj, ka qenë edhe mbijetesa e shtypit të shkruar, beteja e radhës me rrjetet sociale.
Të ftuarit, drejtori i Gazetës FJALA, Ardit Halili, si edhe zv/kryeredaktori i Gazetës Panorama kanë folur për sfidat e Printit në realitetin e sotëm.
Si drejtues i gazetës më të re në treg Halili ka treguar përse kanë vendosur të shkojnë përtej rrymës dhe përse beson se printi do mbijetojë.
Halili e vuri theksin tek besueshmëria e mediave online. Në këtë treg të madh të mediave online, diferencën e bën vetëm kur krijon besueshmëri tek lexuesit e tu.
“Printi nuk do mbyllet sepse njerëzit kanë gjithmonë interes për lajme të zgjeruara dhe të plota, por dhe për informacione të veçanta kur nuk i gjen në median online. Gazeta e printuar gjithmonë është më e besueshme sesa një media online ku lajmi mund të fshihet. Sot po jetojmë në një kohë kur media print mund të bashkëjetojë shumë mirë me një faqe online,” deklaroi ndër të tjera Halili.
