Ministria e Infrastrukturës dhe Energjisë, Belinda Balluku ka njoftuar të gjitha kompanitë e transportit ndërkombëtar të mallrave se duhet të dorëzojnë brenda ditës së sotme, 14 Mars 2020, listën me emrat e drejtuesve të automjeteve, të cilët do të kryejnë transportin ndërkombëtar.
Ky njoftim nga Balluku erdhi pasi Kryeministri Edi Rama bëri me dijet gjitha automjetet do të ndalohen se qarkulluari dhe se vetëm transporti i mallrave dhe ambulancat dhe media e akredituara do lejohen të lëvizin, vendim ky që ka si synim kryeson parandalimin e koronavirusit.
“Në kuadër të organizmit të transportit ndërkombëtar të mallrave, si pasojë e masave të marra për parandalimin e përhapjes së virusit COVID-19, kërkohet nga të gjitha kompanitë të cilat kryejnë transport ndërkombëtar të mallrave që brenda ditës së sotme, 14.03.2020, ora 23:00 të dorëzojnë në adresën e email transporti@infrastruktura.gov.al, listën e drejtuesve të automjeteve, të cilët kryejnë transport ndërkombëtar”- thuhet në një njoftim të shpërndarë sot nga Ministria e Infrastrukturës dhe Energjisë.
Lista duhet të përmbajë emër, atësi, mbiemër, ditëlindje, numër pasaporte dhe numrin e lejes së drejtimit ndërkombëtare. Ndërsa nga ana e autoriteteve do të lejohen të qarkullojnë vetëm kompanitë, të cilat do të dërgojnë emrat e drejtuesve të tyre./Fjala.al/
