Ministria e Shëndetësisë ka njoftuar se ka shkuar në 42 numri i të prekurve nga koronavirusi.
Sipas Ministrisë së Shëndetësisë, qytetarët që paraqiten në spital duhet të njoftojnë mjekët nëse kanë udhëtuar jashtë vendit apo nëse kanë takuar njerëz nga vendet e infektuara.
Gjithashtu sipas Ministrisë së Shëndetësisë asnjë qytetar nuk duhet të vizitojë të afërmit e sëmurë me koronavirus pasi mund të shtojë numrin e të prekurve nga koronavirusi.
Ministria iu ka bërë thirrje qytetarëve që të qëndrojnë në shtëpi, veçanërisht personat mbi 70-vjeç. Në QSUT janë testuar edhe 27 persona të dyshuar me koronavirus.
