Kosova ka shpallur gjendjen e emergjencës së shëndetit publik pasi rritjes së numrit të të infektuarve me koronavirus.
Kryeministri Albin Kurti, ka aprovuar kërkesën e Ministrisë së Shëndetësisë për shpalljen e gjendjes emergjente së shëndetit publik, ndërsa ka njoftuar se të gjitha institucionet e Kosovës duhet të veprojnë konform planit të reagimit kombëtar për menaxhimin e situatës.
Vendimi për shpalljen e gjendjes së emergjencës ka hyrë në fuqi menjëherë dhe kjo pas konfirmimit të rasteve të fundit me koronavirus, numri i të cilave ka arritur në 13 persona deri më tani.
Gjithashtu qeveria e Kosovës ka akorduar 10 milionë euro për të përballuar koronavirusin që është përhapur në shumicën e vendeve të botës.
