Pas deklaratës së kryeministrit Rama për shefin e opozitës Lulzim Basha rreth paketës së propozimeve të demokratëve për përballimin e kësaj emergjence shëndetësore për shkak të koronavirusit, reagon sekretari i Përgjithshëm i Partisë Demokratike, Gazment Bardhi.
Me anë të një postim në Facebook, Bardhi thotë se Rama edhe kopjon, edhe sulmon.
Demokrati i kujton kryeministrit se sot betejën nuk e ka me opozitën por koronavirusin.
Edhe na kopjon, edhe na sulmon! Nga vila e tij 2 milionë euro në Surrel, Edi Rama, i papërgatitur dhe pa ide, hedh ndonjë batutë të lodhur në twitter para se të adoptojë masat e propozuara nga PD.
Të kemi thënë që ditën e parë: ne nuk e kemi problem që ti merr dhe zbaton masat e propozuara nga Lulzim Basha, përkundrazi. Në këto kohë të vështira ne po të kërkojmë publikisht të zbatosh të gjitha propozimet tona dhe pa asnjë vonesë të mëtejshme. Sot betejën nuk e ke me opozitën, por me koronavirusin.
Bardhi e fton Kryeministrin që pa humbur kohë nga komplekset, të fillojë zbatimin e propozimeve të demokratëve një orë e më parë.
