Kryeministri Edi Rama dhe Guvernatori i Bankës së Shqipëri, Gent Sejko, kanë firmosur një urdhër për shtyrjen e kredive deri më 31 maj të këtij viti. Me aq sa kuptohet nga vendimi i bërë publik nga Rama, kreditë do të shtyhen vetëm nëse qytetarët i argumentojnë bankës arsyet përse kërkojnë shtyrjen e pagesës së këstit të kredisë. Arsyet duhet të jenë lidhura me dëmet nga koronavirusi.
Më pas banka do të vendosë për kërkesën e klientit brenda një afati 3-ditor.
“U tha u bë! Sapo e firmosa, po jua ccoj përpara se sa të protokollohet pas pak minutash, të gjithë atyre që kanë një biznes dhe janë në hall me bankat për shkak të luftës. Ju lutem të gjithëve miq, kini besim dhe bëni durim. Ju dua”, shkruan kryeministri Rama.
