Kryedemokrati Lulzim Basha, i bëri thirrje publike kryeministrit Edi Rama të rishikojë menjëherë buxhetin e shtetit 2020 dhe të alokojë fonde për tre sektorë kryesorë.
Këtë thirrje kreu i PD-së e ka bërë për shkak të situatës së rëndë ku ndodhet vendi nga koronavisuri.
Në një intervistë për “News 24”, Basha tha se Rama duhet të alokojë me urgjencë fonde te shëndetësia, shtresat në nevojë dhe ekonomia.
Më tej, ai iu bëri thirrje dhe bankave të nivelit të dytë të mos përfitojnë nga kjo situatë e pezullimit të kredive për tre muaj, por të sillen me përgjegjësi.
“Thirrja që duhet të bëj sot, dua t’ju them qartë bankave të nivelit të dytë se një pjesë e mirë e stabilitetit, investitorëve, sipërmarrësve, është tasmë në dorën e tyre, ndaj iu kërkoj të sillen me përgjegjësi. Tani është koha të rishikohet buxheti i shtetit 2020 pa vonesa të mëtejshme. Të alokohen fonde te shëndetësia, shtresat në nevojë dhe masat lehtësuese ekonomike”,-u shpreh Basha./Fjala.al/
