Mjeku i spitalit të Modenas, Nicola Sgarbi ka prekur zemrat e të gjithë italianëve por jo vetëm.
Në një postim që ka bërë në rrjetet sociale është shfaqur me shenja në fytyrë, të cilat ia kishte shkaktuar maska, të cilën e kishte mbajtur prej orësh.
Në komentin që shoqëroi me foton, mjeku shprehet se kjo situatë e rëndë do të kalojë dhe se asnjë person nuk duhet të dorëzohet.
“Unë nuk jam dhe nuk ndihem si hero. Jam një njëri normal që e do punën që bën dhe që, sot më shumë se kurrë, është krenar që mund ta bëjë duke e vënë të gjithë veten e tij në vijën e parë bashkë me shumë njerëz të tjerë të mrekullueshëm. Për këtë arsye, nuk më shqetësojnë orët e shumta në punë, shenjat, dhimbja e shpinës, lodhja, vaktet që nuk po i ha dhe shumë të tjera: e gjithë kjo do të kalojë…gjithashtu do të kalojë falë jush dhe përpjekjeve dhe sakrificave tuaja, do të kalojë nëse ne jemi të bashkuar në një qëllim të vetëm. Mos hiqni dorë. Kurrë!”, shprehet ai në një postim në Facebook.
Italia është një nga vendet, kur koronavirusi ka shkaktuar vdekjen e mbi 2 mijë personave. Spitalet, kryesisht në veri të vendit janë të tejmbushur me pacientë të infektuar.
