Tre persona kanë humbur jetën nga një aksident tragjik mbrëmjen e sotme në Fushë Krujë, ndërsa një tjetër ka mbetur i plagosur rëndë dhe po transportohet në Spitalin e Traumës në Tiranë për mjekim të specializuar. Aksidenti ka ndodhur autostradën Milot-Fushë Krujë në afërsi të fshatin Borizanë.
VIktimat dhe i plagosuri nga aksidenti i rëndë mbrëmjen e sotme janë nga fshati Larushk i Fushë Krujës. ‘Audi’ me targë AA 848 ZZ mësohet si pasojë e shpejtësisë së madhe me të cilën po lëvizte ka goditur nga pas një kamion me targa të Kosovës. Kjo përplasje ka rezultuar fatale për tre nga katër personat që po udhëtonin me ‘Audi’-n.
“Më datë 18.03.2020, rreth orës 20:30, në autostradën Fushë Krujë-Laç, një mjet tip “Audi”, i ka rënë nga mbrapa një kamioni me targa kosove dhe për pasojë, kanë ndërruar jetë 3 shtetas që udhëtonin në mjetin Audi dhe një tjetër është dërguar në gjendje kritike për jetën në spital” informoi policia e Durresit.
Më poshtë keni pamje nga vendi i ngjarjes ku ndodhi aksidenti tragjik në Fushë Krujë mbrëmjen e sotme. Makina ku po udhëtonin katër persona, nga të cilët tre humbën jetën është shkatërruar plotësisht nga përplasja me një kamion nga Kosova.
