Pavarësisht urdhrit të qeverisë së kryeministrit Rama dhe masave të kërkuara nga Ministria e Shëndetësisë për të mos përhapur më tej koronavirusin, shqiptarët vijojnë të mblidhen së bashku në ambiente të ndryshme.
Mëngjesin e sotëm shumë qytetarë kanë dalë të bëjnë pazarin në tregjet e tyre të lagjeve nuk respektojnë distancën nga njëri-tjetri.
Një pjesë shumë e vogël e tyre kanë vendosur maska ndërsa të tjerë veprojnë normalisht sikur s’ka asgjë të jashtëzakonshme. Ndërkohë që lëvizja është kufizuar në fashat orare pas orës 10 të mëngjesit dhe pas orës 18:00 të mbrëmjes.
Ashtu siç duket edhe në videot e dërguara në redaksinë e Fjala.al, qytetarët shfaqen së bashku në treg dhe nuk kujdesen për të ruajtur distancën nga të tjerët.
