Një 15 vjeçar ka ndërruar jetë në Kroaci si pasojë e tërmetit të fuqishëm që goditi vendin mëngjesin e sotëm. I riu ishte brenda një godine në lagjen Djordjiceva 13 të Zagrebit, e cila u rrënua nga lëkundjet.
Ndonëse u nxorr nga rrënojat me shenja jete, 15 vjeçari u konfirmua në spital i vdekur.
Ndërkohë që në Zagreb janë regjistruar dëme të shumta nga tërmeti me magnitutë 5.4. Menjëherë pas tërmetit të parë që u ndje rreth orës 06 të mëngjesit, u regjistruan edhe dy pasgoditje të forta me magnitutë 5.2 dhe 3.7.
Të zgjuar nën terrorin e lëkundjeve, qytetarët e Zagrebit dhe zonave përreth kanë dalë menjëherë nga banesat dhe kanë qëndruar jashtë për të paktën 4 orë.
Fotot që vijnë nga kryeqyteti kroat tregojnë godina të dëmtuara rëndë.
