Pasi u shënua viktima e 15-të dhe numri i të infektuarve ka arritur 624, Greqia ka marrë përsipër “kyçjen” kombëtare me masa të reja.
Kryeministri grek Mitsotakis, u shpreh se dalja nga shtëpia do të jepet vetëm me arsye dhe ajo do të jetë me shkrim.
Gjithashtu qytetarët duhet të jenë të pajisur me kartë identiteti ose pasaportë.
Për disa kategori do të lejohet si vatjtja në punë dhe ecje të shkurtra për në supermarket, furrë buke apo sporte individuale si dhe ecje me kafshët.
Mitsotakis falenderoi mazhorancën e njerëzve që e mbështetën në këto masa, teksa theksoi se nuk do të lejonte që një pakicë e papërgjegjshme të kërcënonte sigurinë e shumë të tjerëve./fjala.al
