Franca është një nga vendet që është goditur rëndë nga koronavirusi. Vetëm në 24 orët e fundit janë shënuar 186 viktima të prekur nga Covid-19, ndërsa numri total i tyre shkon në 860.
Ndërkaq, në një konferencë për shtyp, Ministri i Shëndetësisë, Olivier Veran, është shprehur se numri i të prekurve nga koronavirusi ka arritur në 19,856.
Sipas tij, 2,082 janë në gjendje të rëndë dhe se kanë nevojë për kujdes intensiv.
Koronavirusi ka vrarë deri më tani më shumë se 14 mijë njerëz, ku një nga vendet më të goditura është Italia me 6 mijë viktima duke ia kaluar edhe Kinës prej nga rrodhi që në muajin nëntor koronavirusi.
