Një tjetër person i dyshuar me Covid-19 është dërguar në spitalin Infektiv në QSUT. Nga fotot e mëposhtme shihet se pacienti po transportohet me barelë me ambulancë për në spital.
Ndërkaq në ambientet e jashtme të Urgjencës së QSUT-ë janë ngritur çadrat, për t’u ardhur në ndihmë njerëzve nëse fluksi i të prekurve me koronavirus do të rritet përgjatë kësaj jave.
Deri më tani në vendin tonë kanë ndërruar jetë 4 persona, ndërsa janë konstatuar 104 vetë me koronavirus.
