Ish-deputetja e PD, Albana Vokshi ka reaguar sot duke i kërkuar qeverisë që të ndryshojë strategjinë dhe të mos mohojë testet për të dyshuarit me COVID-19.
Vokshi shprehet se vetëm evidentimi i të prekurve, testimi i të afërmve të tyre, karantinimi dhe izolimi i tyre do të shkëpusë zinxhirin e përhapjes së virusit të tmerrshëm”.
Vokshi shton se “mëngjesi i sotëm ka nisur i trishtë. Me viktima të tjera nga COVID -19, në moshë krejt të re, vetëm 43 vjeç e pa sëmundje të tjera. Duke shprehur ngushëllime të sinqerta për familjaret e të afërmit e tyre, kjo duhet të jetë një thirrje për të bërë çmos të shpëtohen jetë të tjera”.
“E për këtë, gjithësecili duhet të bëjë punën e detyrën e tij. E ndërsa qytetarët me hir apo pahir po zbatojnë rregullat, duke mbajtur distancimin social e duke u izoluar. Është Qeveria ajo që duhet të ndryshojë qasje sa nuk është tepër vonë.Duke bërë transparencë totale: Testet: sa teste janë bëre dhe ku? Sa tamponë janë ne gjendje? Sa duhen? A janë porositur? Numri i shtretërve” Sa është numri i shtretërve me pajisjet përkatëse për trajtimin e personave me COVID-19? Sa shtretër nevojiten? Cilat janë mungesat?”, tha ajo
Po ashtu, Vokshi shton se “pajisjet e testimit: Sa pajisje për testimin janë? Kur vihet në funksionim pajisja ne laboratorin e QSUT? Testimi i çdo të dyshuari, kontakteve, atyre me simptoma qofte edhe të lehta. Është urgjente, jetike, që Qeveria, të bëjë çdo gjë për të siguruar numrin e duhur të testeve për të ndjekur çdo të dyshuar COVID-19 e çdo kontakt të tyre”.
