Komisioneri për Zgjerim, Oliver Varhelyi bën me dije se shtetet anëtare të Bashkimit Evropian kanë rënë dakord për të hapur negociatat e anëtarësimit me Shqipërinë dhe Maqedoninë e Veriut. Ai thekson se e ardhmja e Ballkanit Perëndimor është në BE.
“Shumë i kënaqur që vendet anëtare të BE-së sot arritën marrëveshje politike për hapjen e bisedimeve të anëtarësimit me Shqipërinë dhe MV. Unë i uroj me gjithë zemër të dy vendet. Kjo gjithashtu dërgon një mesazh me zë të lartë dhe të qartë për Ballkanin Perëndimor: e ardhmja juaj është në BE”, shprehet Oliver Varhelyi.
